തിരുവനന്തപുരം: കൊറോണ നിയന്ത്രണങ്ങളിൽ ഇളവ് വരുത്തിയതോടെ റെയിൽവെ പ്ലാറ്റ്‌ഫോം ടിക്കറ്റ് നിരക്ക് കുറച്ചു.50 രൂപയിൽ നിന്ന് 10 രൂപയാക്കിയാണ് ടിക്കറ്റ് നിരക്ക് കുറച്ചത്. ദക്ഷിണ റെയിൽവേയിലെ തിരുവനന്തപുരം ഡിവിഷന് കീഴിലുള്ള എല്ലാ റെയിൽവേ സ്റ്റേഷനുകളിലുമാണ് ടിക്കറ്റ് നിരക്ക് കുറച്ചത്. പുതിയ നിരക്ക് പ്രബല്യത്തിൽ വന്നതായി അധികൃതർ അറിയിച്ചു. കൊറോണ കേസുകൾ ഉയർന്ന പശ്ചാത്തലത്തിൽ റെയിൽവെ സ്റ്റേഷനുകളിലെ തിരക്ക് കുറയ്‌ക്കുന്നതിന്റെ ഭാഗമായി പ്ലാറ്റ്‌ഫോം ടിക്കറ്റ് നിരക്ക് ഉയർത്തിയിരുന്നു. 50 രൂപയാക്കി കഴിഞ്ഞ ഒക്ടോബറിലാണ് ഉയർത്തിയത്.