ന്യൂഡൽഹി:ചോദ്യപേപ്പർ ചോർന്നതിനെ തുടർന്ന് സിബിഎസ്ഇയുടെ രണ്ട് പരീക്ഷകൾ റദ്ദാക്കി. പത്താം ക്ലാസ്സിലെ കണക്ക് പരീക്ഷ, പന്ത്രണ്ടാം ക്ലാസിലെ സാമ്പത്തിക ശാസ്ത്രം പരീക്ഷ എന്നിവയുടെ പരീക്ഷകളാണ് റദ്ദാക്കിയത്.പുതിയ പരീക്ഷ തീയതി ഒരാഴ്ചയ്ക്കകം പ്രഖ്യാപിക്കും. ഔദ്യോഗിക വെബ്സൈറ്റിലൂടെയാണ് സിബിഎസ്ഇ ഇക്കാര്യം അറിയിച്ചിരിക്കുന്നത്.ചോദ്യപേപ്പർ ചോർച്ച നിരന്തരം സംഭവിക്കുന്നതിനെതിരെ വിദ്യാർഥികളും മാതാപിതാക്കളും ഡൽഹി ഹൈക്കോടതിയെ സമീപിക്കാൻ ഒരുങ്ങുകയാണെന്നും റിപ്പോർട്ടുണ്ട്.പത്താം ക്ലാസിലെ കണക്ക് പരീക്ഷയുടെ ചോദ്യപേപ്പർ ചൊവ്വാഴ്ച രാത്രി മുതൽ ഡൽ‌ഹിയിൽ സാമൂഹിക മാധ്യമങ്ങളിലൂടെ പ്രചരിച്ചിരുന്നു.