മട്ടന്നൂർ:അയ്യല്ലൂരിൽ ബിജെപി പ്രവർത്തകന്റെ വീട്ടുവരാന്തയിൽ റീത്ത് വെച്ചു. കെഎസ്ആർടിസിയിൽ ഡ്രൈവറായ സുധീറിന്റെ വീട്ടുവരാന്തയിലാണ് മുല്ലപ്പൂവും തുണിയും കൊണ്ട് ഉണ്ടാക്കിയ റീത്ത് കാണപ്പെട്ടത്.വാഴയിലയിലാണ് റീത്ത് വെച്ചത്.കഴിഞ്ഞ ദിവസം രാത്രി സുധീർ വീട്ടിലുണ്ടായിരുന്നില്ല.രാവിലെ വീട്ടുകാർ ഉണർന്നു നോക്കിയപ്പോഴാണ് വരാന്തയിൽ റീത്ത് കാണപ്പെട്ടത്.സമാധാനാന്തരീക്ഷം നിലനിൽക്കുന്ന പ്രദേശത്ത് സംഘർഷമുണ്ടാക്കാനുള്ള ശ്രമമാണിതെന്നും ഇതിനെ ഗൗരവത്തോടെ കാണണമെന്നും ബിജെപി മട്ടന്നൂർ മണ്ഡലം പ്രസിഡന്റ് രാജൻ പുതുക്കുടി പറഞ്ഞു.