കൊച്ചി: നടിയെ ആക്രമിച്ച കേസിലെ മുഖ്യപ്രതി പള്‍സര്‍ സുനിയെയും കൂട്ടുപ്രതി ബിജീഷിനെയും എട്ട് ദിവസത്തേക്ക് പോലീസ് കസ്റ്റഡിയില്‍ വിട്ട് ആലുവ കോടതി ഉത്തരവിട്ടു. ഇനിയുള്ള ദിവസങ്ങളില്‍ സുനിയെ വിശദമായി ചോദ്യം ചെയ്ത് സംഭവത്തിലെ സത്യാവസ്ഥകൾ പുറത്തു കൊണ്ടുവരാനാവും പോലീസിന്റെ ശ്രമം.
പള്‍സര്‍ സുനി മറ്റാര്‍ക്കെങ്കിലും വേണ്ടിയാണോ നടിയെ ആക്രമിച്ചത്, നടിയെ അക്രമിച്ച ദൃശ്യങ്ങള്‍ ഷൂട്ട് ചെയ്ത മൊബൈല്‍ കണ്ടെത്തുക, മുന്‍പ് വേറെയാരെങ്കിലും പള്‍സറിന്റെ ബ്ലാക്ക് മെയിലിന് ഇരയായിട്ടുണ്ടോ ..ഇതൊക്കെയാണ് പോലീസ് ഉത്തരം തേടുന്ന ചോദ്യങ്ങൾ.