കൊച്ചി:മംഗാലാപുരത്ത് മാധ്യമ പ്രവര്‍ത്തകരെ കസ്റ്റഡിയിലെടുത്തതില്‍ പ്രതിഷേധിച്ച് കൊച്ചിയില്‍ ഫ്രെട്ടേണിറ്റി പ്രവര്‍ത്തകര്‍ കര്‍ണാടക ബസ് തടഞ്ഞു.സംഭവത്തിൽ പത്ത് പ്രവര്‍ത്തകരെ പൊലീസ് കസ്റ്റഡിയിലെടുത്തു.പൗരത്വ ബില്ലിനെതിരെ നടന്ന പ്രതിഷേധത്തെ കുറിച്ച് റിപ്പോർട്ട് ചെയ്യാൻ മംഗാലപുത്ത് എത്തിയ മലയാളി മാധ്യമ പ്രവര്‍ത്തകരെ പൊലീസ് തടയുകയും അറസ്റ്റ് ചെയ്യുകയും ചെയ്ത സംഭവത്തില്‍ വലിയ പ്രതിഷേധമാണ് സംസ്ഥാനത്തും ഉണ്ടായത്. പൊലീസ് നടപടിയില്‍ പ്രതിഷേധിച്ച് ഫ്രെട്ടേണിറ്റി പ്രവർത്തകർ കളമശേരി പോലീസ് സ്റ്റേഷനിലേക്ക് മാർച്ച് നടത്തി.പൌരത്വ ഭേദഗതി നിയമം പിന്‍വലിക്കണമെന്നാവശ്യപ്പെട്ട് ഫ്രെട്ടേണിറ്റി – വെൽഫെയർ പാർട്ടി ആലപ്പുഴ ജില്ലാ കമ്മിറ്റികളുടെ നേതൃത്വത്തില്‍ റെയില്‍വേ സ്റ്റേഷനിലേക്ക് മാര്‍ച്ച് നടത്തി.പൌരത്വ ഭേദഗതി നിയമവും പൌരത്വ രജിസ്റ്ററും പിന്‍വലിക്കണമെന്നാവശ്യപ്പെട്ടായിരുന്നു ആലപ്പുഴയില്‍ പ്രതിഷേധം നടന്നത്.കല്ലുപാലത്ത് നിന്നും ആരംഭിച്ച മാർച്ച് റെയിൽവേ സ്റ്റേഷനിൽ സമാപിച്ചു.