ബെംഗളൂരു:ടിപ്പു ജയന്തി ആഘോഷങ്ങൾക്കിടെ കർണാടകയിൽ പ്രതിഷേധം.ബിജെപിയും സംഘപരിവാർ സംഘടനകളുമാണ് പ്രതിഷേധവുമായി രംഗത്തെത്തിയിരിക്കുന്നത്. പ്രതിഷേധത്തെ തുടർന്ന് സുരക്ഷയുടെ ഭാഗമായി കുടക്,ശ്രീരംഗപട്ടണം,ചിത്രദുർഗ എന്നിവിടങ്ങളിൽ നിരോധനാജ്ഞ പ്രഖ്യാപിച്ചിരിക്കുകയാണ്. കുടകിൽ ടിപ്പു ജയന്തി പോരാട്ട സമിതി ബന്ദിന് ആഹ്വനം ചെയ്തിട്ടുണ്ട്.ഇതേ തുടർന്ന് ദ്രുതകർമ സേനയടക്കം വൻ പോലീസ് സന്നാഹത്തെയാണ് ഇവിടെ വിന്യസിച്ചിരിക്കുന്നത്.കേരളത്തിന്റെ അതിർത്തികളിലും സുരക്ഷ ശക്തമാക്കിയിട്ടുണ്ട്.അതേസമയം മൂന്നു ദിവസത്തേക്ക് ഔദ്യോഗിക പരിപാടികൾ റദ്ദാക്കിയിരിക്കുന്നതിനാൽ കർണാടക മുഖ്യമന്ത്രി കുമാരസ്വാമി ആഘോഷങ്ങളിൽ പങ്കെടുക്കില്ല.