കണ്ണൂർ: കെ റെയില്‍ പദ്ധതിക്കായുള്ള കല്ലിടലിനെതിരെ താണയില്‍ പ്രതിഷേധം.കെ റെയില്‍ ഉദ്യോഗസ്ഥര്‍ക്കെതിരേ പ്രദേശവാസികളും കെ റെയില്‍ വിരുദ്ധ സമരസമിതിയുമാണ് പ്രതിഷേധം സംഘടിപ്പിച്ചത്. കണ്ണൂര്‍ കോര്‍പറേഷന്‍ ഡെപ്യൂട്ടി മേയര്‍ അടക്കമുള്ളവര്‍ പ്രതിഷേധത്തില്‍ പങ്കെടുത്തു.പോലിസും പ്രതിഷേധക്കാരും തമ്മില്‍ ഉന്തുംതള്ളുമുണ്ടായി. പ്രതിഷേധക്കാരെ പോലിസ് അറസ്റ്റ് ചെയ്ത് നീക്കി.നെല്ലിയോട് ദീപക്കിന്‍റെ ഭൂമിയില്‍ സ്ഥാപിച്ച സര്‍വേ കല്ല് പ്രതിഷേധക്കാര്‍ പിഴുതുമാറ്റി. ഇതോടെ പ്രതിഷേധക്കാരും ഉദ്യോഗസ്ഥരും തമ്മില്‍ വാഗ്വാദം ഉണ്ടായി. ഇതിനിടെ പ്രതിഷേധത്തില്‍ പങ്കെടുത്ത സി സുഷമ എന്ന സ്ത്രീയെ ഉദ്യോഗസ്ഥര്‍ അപമാനിച്ചെന്ന ആരോപണവും ഉയര്‍ന്നു. ഉദ്യോഗസ്ഥ മാപ്പ് പറയണമെന്ന ആവശ്യവുമായി പ്രതിഷേധക്കാര്‍ വീണ്ടും സംഘടിച്ചു. പ്രതിഷേധക്കാരെ പിന്നീട് പോലീസ് അറസ്റ്റ് ചെയ്ത് നീക്കി.കെ റെയില്‍ പദ്ധതിക്കായി സര്‍വേയും കല്ലിടലും നടത്തുന്നതിനെതിരേ വിവിധ ജില്ലകളില്‍ പ്രദേശവാസികളും കെ റെയില്‍ വിരുദ്ധ സമരസമിതിയും പ്രതിഷേധ പരിപാടികള്‍ സംഘടിപ്പിക്കുന്നുണ്ട്.