തിരുവനന്തപുരം:രാഷ്ട്രീയ അക്രമങ്ങളെ തുടർന്ന് തിരുവനന്തപുരത്തു നിരോധനാജ്ഞ മൂന്നു ദിവസം കൂടി നീട്ടി.പോലീസ് ആക്ട് പ്രകാരം പ്രകടങ്ങളും പൊതുയോഗങ്ങളും നടത്താൻ പാടില്ല.തിരുവനന്തപുരം സിറ്റി പോലീസിന്റേതാണ് ഉത്തരവ്.ഓഗസ്റ്റ് രണ്ടു വരെ ഉത്തരവ് നിലനിൽക്കും.അക്രമങ്ങൾ തുടരുന്ന പശ്ചാത്തലത്തിലാണ് നടപടി.പ്രകോപനം ഉണ്ടാക്കുന്ന തരത്തിൽ സമൂഹ മാധ്യമങ്ങളിലൂടെ ഫോട്ടോകൾ,വീഡിയോകൾ,പ്രസ്താവനകൾ എന്നിവ ഷെയർ ചെയ്യുന്നവർക്കെതിരെ കേസ് എടുക്കുമെന്ന് പോലീസ് അറിയിച്ചു.വാട്ട്സ് ആപ്പ് ഗ്രൂപ്പുകൾ,ഫേസ്ബുക് പോസ്റ്റുകൾ എന്നിവ പോലീസിന്റെ നിരീക്ഷണത്തിലാണ്.