കണ്ണൂർ:കണ്ണൂര് ജില്ലാ ജയിലില് മയക്കുമരുന്ന് ചേർത്ത ചായ നൽകി ഉദ്യോഗസ്ഥരെ മയക്കി കിടത്തിയ ശേഷം ജയില് ചാടാന് ശ്രമിച്ച തടവുകാര് പിടിയില്.അരുണ്കുമാര്, റഫീക്ക്, അഷ്റഫ് ഷംസീര് എന്നിവരാണ് പിടിയിലായത്.കൊലക്കേസ് പ്രതിയടക്കമുള്ള മൂന്ന് തടവുകാരാണ് ജയില് ചാടാന് ശ്രമിച്ചത്.24ന് പുലര്ച്ചെ നാലരയോടെയായിരുന്നു സംഭവം. മാനസികരോഗത്തിന് ചികിത്സചെയ്യുന്ന സഹതടവുകാരില് നിന്നാണ് മൂന്നംഗസംഘം മയക്കുഗുളികകള് സംഘടിപ്പിച്ചത്.രാത്രി ഡ്യൂട്ടിയിലുണ്ടായിരുന്ന നാല് ഉദ്യോഗസ്ഥര്ക്ക് ചായയിൽ മയക്കു ഗുളിക ചേര്ത്ത് ഉറക്കിക്കിടത്തിയാണ് മൂന്നംഗ സംഘം തടവ് ചാടാന് ശ്രമിച്ചത്.സിസിടിവി ദൃശ്യങ്ങള് പരിശോധിച്ചപ്പോഴാണ് ജയില് ചാടല് ശ്രമം പുറത്തറിഞ്ഞത്. പ്രതികളെ വിശദമായി ചോദ്യം ചെയ്തതിൽ നിന്നുമാണ് കൂടുതൽ വിവരങ്ങൾ ലഭിച്ചത്.