ആലുവ:നടി ആക്രമിക്കപ്പെട്ട സംഭവവുമായി ബന്ധപ്പെട്ട് ദിലീപിന്റെ ബന്ധുക്കളില്‍ നിന്ന് പോലീസ് മൊഴിയെടുത്തു. ആലുവ പോലീസ് ക്ലബില്‍ വിളിച്ച് വരുത്തിയായിരുന്നു മൊഴിയെടുക്കല്‍. ദിലീപിന്റെ സഹോദരി ഭര്‍ത്താവ് സൂരജ് ഉള്‍പ്പെടെ മൂന്ന് പേരെയാണ് ആലുവ പോലീസ് ക്ലബില്‍ വിളിച്ച് വരുത്തി മൊഴിയെടുത്തത്. ദിലീപിന്റെ പേരിലുള്ള കെ.എല്‍.ബി.എഫ് 2007 കാറിലാണ് ഇവരെത്തിയത്. സിനിമയുമായി ബന്ധമുള്ളയാളാണ് സൂരജ്. ഈ വര്‍ഷം പുറത്തിറങ്ങിയ ദിലീപ് ചിത്രം ജോര്‍ജേട്ടന്‍സ് പൂരത്തിന്റെ സഹ നിര്‍മാതാവുമായിരുന്നു.