തളിപ്പറമ്പ്: സിനിമ തീയേറ്ററിൽ നിന്ന് വീണികിട്ടിയ പണമടങ്ങിയ പേഴ്‌സ് ഉടമയ്ക്ക് തിരിച്ചു കൊടുക്കുന്നതിൽ അലംഭാവം കാട്ടിയ സീനിയർ സിവിൽ പോലീസ് ഓഫീസറെ ജില്ലാ പോലീസ് അധികാരി അന്വേഷണ വിധേയമായി സസ്‌പെൻഡ് ചെയ്തു. തളിപ്പറമ്പ് പോലീസ് സ്റ്റേഷനിലെ സീനിയർ സി പി ഓ ഉണ്ടപറമ്പിലെ മുഹമ്മദ് സലീമിനെയാണ് സസ്‌പെൻഡ് ചെയ്തത്.
ഈ മാസം 12നു നഗരത്തിലെ ക്ലാസിക് തീയേറ്ററിൽ വെച്ചായിരുന്നു സംഭവം. സിനിമ കാണാനെത്തിയ സലീമിന്റെ ബന്ധു കൂടിയായ ഒരാളുടെ പേഴ്‌സ് നഷ്ട്ടപ്പെട്ട് തീയേറ്ററിനകത്തു നിന്നും സലീമിന് കിട്ടിയിട്ടും തിരിച്ചു കൊടുക്കുന്നതിൽ അലംഭാവം കാണിച്ചു എന്ന പരാതിയിൽ സ്പെഷ്യൽ ബ്രാഞ്ച് പോലീസ് അന്വേഷണം നടത്തി റിപ്പോർട്ട് നടത്തിയിരുന്നു. ഇതിന്റെ അടിസ്ഥാനത്തിലാണ് നടപടി.