പാപ്പിനിശ്ശേരി: കീച്ചേരി പാലോട്ടുകാവ് ഉത്സവം കണ്ട് മടങ്ങുകയായിരുന്ന ഡി വൈ എഫ് ഐ പ്രവർത്തകൻ ആകാശ് കണ്ണന് വെട്ടേറ്റ സംഭവത്തിൽ പോലീസ് അന്വേഷണം ഊർജിതമാക്കി. വ്യാഴാഴ്ച രാത്രി പത്തിന് ശേഷം കീച്ചേരിയിലാണ് പ്രകാശിന് നേരെ ആക്രമണം ഉണ്ടായത്. ബഹളം കേട്ട് നാട്ടുകാർ ഓടി എത്തുമ്പോഴേക്കും അക്രമികൾ ഓടി ഒളിച്ചിരുന്നു. കണ്ണൂർ എ കെ ജി ആശുപത്രിയിൽ ചികിത്സയിലാണ്. പ്രതികളെ കുറിച്ച് വ്യക്തമായ സൂചനകൾ ലഭിച്ചതായി പോലീസ് കേന്ദ്രങ്ങൾ പറഞ്ഞു. സൈബർ സെല്ലിന്റെ സഹായത്തോടെ മൊബൈൽ ടവർ കേന്ദ്രീകരിച്ചാണ് അന്വേഷണം പുരോഗമിക്കുന്നത് .