കൊച്ചി:പള്ളിത്തർക്കം റിപ്പോർട് ചെയ്യുന്നതിനിടെ മാധ്യമ പ്രവർത്തകനെ പോലീസ് കയ്യേറ്റം ചെയ്തു.മാതൃഭൂമി ന്യൂസ് ലേഖകൻ റിബിൻ രാജുവിന് നേരെയാണ് കയ്യേറ്റമുണ്ടായത്.അദ്ദേഹത്തെ ഭീഷണിപ്പെടുത്തുകയും പിടിച്ചുതള്ളുകയും സ്ഥലത്തു നിന്നും പോകാൻ ആവശ്യപ്പെടുകയും ചെയ്തു.പിറവത്തിനടുത്തുള്ള നെച്ചൂർ പള്ളിയിൽ യാക്കോബായ -ഓർത്തഡോക്സ് വിഭാഗങ്ങൾ തമ്മിലുള്ള തർക്കം റിപ്പോർട് ചെയ്യാൻ പള്ളിയിലെത്തിയതാണ് മാധ്യമ പ്രവർത്തകൻ.വാർത്ത ശേഖരിക്കുന്നതിനിടെ യാതൊരു പ്രകോപനവും കൂടാതെയാണ് പോലീസ് കയ്യേറ്റത്തിന് ശ്രമിച്ചത്.മൂവാറ്റുപുഴ സി.ഐ ജയകുമാറും എസ്.ഐ ലൈജുമോനും ചേർന്നാണ് കയ്യേറ്റം ചെയ്തത്.