തിരുവനന്തപുരം:തിരുവനന്തപുരത്ത് വാഹനാപകടത്തിൽ പ്ലസ് ടു വിദ്യാർത്ഥി മരിച്ചു. രണ്ടുപേർക്ക് ഗുരുതരമായി പരിക്കേറ്റു.നെടുവേലി ഹയർ സെക്കണ്ടറി സ്കൂളിലെ പ്ലസ് ടു വിദ്യാർത്ഥി തോന്നയ്ക്കൽ കുടവൂർ സ്വദേശി ജിതിൻ ആണ് മരിച്ചത്.ജിതിൻ സഞ്ചരിച്ച ബൈക്ക് ടെമ്പോ വാനുമായി കൂട്ടിയിടിക്കുകയായിരുന്നു.ജിതിന്റെ ഒപ്പം സഞ്ചരിച്ച ഇതേ സ്കൂളിലെ രണ്ടു വിദ്യാർത്ഥികളെ ഗുരുതര പരിക്കുകളോടെ മെഡിക്കൽ കോളേജ് ആശുപത്രിയിൽ പ്രവേശിപ്പിച്ചു.ഇവർ സഞ്ചരിച്ച ബൈക്ക് നാട്ടുകാവ് അമ്മാറുകുഴി വളവിൽ വെച്ച് മറ്റൊരു വാഹനത്തെ മറികടക്കുന്നതിനിടയിൽ വെമ്പായം ഭാഗത്തു നിന്നും കിൻഫ്രയിലേക്ക് ജീവനക്കാരെയും കൊണ്ട് പോവുകയായിരുന്ന ടെമ്പോ വാനിൽ ഇടിക്കുകയായിരുന്നു.ജിതിൻ സംഭവസ്ഥലത്തുവെച്ചു തന്നെ മരിച്ചു.