തളിപ്പറമ്പ്∙ ശാന്തിഗിരി ആശ്രമം കണ്ണൂർ ഏരിയ കമ്മിറ്റിയുടെയും ആന്തൂർ നഗരസഭയുടെയും നേതൃത്വത്തിൽ ബക്കളം–പുന്നക്കുളങ്ങര സുൽത്താൻ റോഡരികിൽ നൂറു ഫലവൃക്ഷത്തൈകൾ നടുന്ന പദ്ധതിക്കു തുടക്കമായി. ജയിംസ് മാത്യു എംഎൽഎ വൃക്ഷത്തൈ നടീൽ ഉദ്ഘാടനം ചെയ്തു.നഗരസഭ അധ്യക്ഷ പി.കെ.ശ്യാമള സമ്മേളനം ഉദ്ഘാടനം ചെയ്തു. ഉപാധ്യക്ഷൻ കെ.ഷാജു അധ്യക്ഷത വഹിച്ചു.വാർഡ് കൗൺസിലർ പി.കെ.മുജീബ് റഹ്മാൻ, സ്വാമി ആനന്ദ ജ്യോതി ജ്ഞാന തപസ്വി, കെ.വി.ശശിധരൻ, പി.ദാമോദരൻ, മനോജ് മാത്തൻ, കെ.സനിൽകുമാർ എന്നിവർ പ്രസംഗിച്ചു.