പിണറായി: സാംസ്കാരിക സമിതി സംഘടിപ്പിക്കുന്ന സർഗോത്സവം ‘പിണറായി പെരുമ’യ്ക്കു പ്രൗഢമായ തുടക്കം. നടി മഞ്ജു വാരിയർ ഉദ്ഘാടനം ചെയ്തു. ഉദ്ഘാടനത്തിനു ശേഷം മഞ്ജു വാരിയരുടെ കുച്ചിപ്പുഡിയായിരുന്നു മുഖ്യ ആകർഷണം. ഓലയമ്പലം ബസാറിൽ ‘നാട്ടരങ്ങ്’ പരിപാടിയിൽ ഏഴോം വാദ്യസംഘത്തിന്റെ ചെണ്ടമേളത്തോടെയായിരുന്നു പിണറായി പിണറായി പെരുമയുടെ തുടക്കം.പഞ്ചായത്ത് പ്രസിഡന്റ് പി.കെ.ഗീതമ്മ, ഡിവൈഎസ്പി പ്രിൻസ് ഏബ്രഹാം, വി.എ.നാരായണൻ, പി.പി.ദിവാകരൻ, ജില്ലാ പഞ്ചായത്ത് അംഗങ്ങളായ പി.ഗൗരി, പി.വി.ബിനിത, സംഘാടക സമിതി അധ്യക്ഷൻ കെ.കെ.രാജീവൻ, കോങ്കി രവീന്ദ്രൻ എന്നിവർ പ്രസംഗിച്ചു