കായംകുളം:കായംകുളം റെയിൽവേ സ്റ്റേഷനിൽ നിർത്തിയിട്ടിരിക്കുന്ന ട്രെയിനിൽ നിന്നും പെട്രോൾ ചോർന്നു.പെട്രോളുമായി വന്ന ഗുഡ്സ് ട്രയിനിലെ ടാങ്കറിൽ നിന്നാണ് ഇന്ധനം ചോരുന്നത്.പെട്രോളുമായി തിരുവനന്തപുരത്തേക്ക് പോവുകയായിരുന്നു ഗുഡ്സ് ട്രെയിൻ.മറ്റു ട്രയിനിലെ യാത്രക്കാരാണ് ഇന്ധനം ചോരുന്നത് കണ്ടതും റയിൽവെയുടെ ശ്രദ്ധയിൽ പെടുത്തിയതും.ചോർച്ചയടക്കാൻ ശ്രമം തുടരുകയാണെന്നും ഭയപ്പെടാനില്ലെന്നും അധികൃതർ അറിയിച്ചു.