ബെംഗളൂരു:പിഡിപി നേതാവ് അബ്ദുൽ നാസർ മദനി ഇന്ന് കേരളത്തിലെത്തും. കേരളത്തിലേക്കുള്ള യാത്രക്ക് എൻഐഎ കോടതി അനുവാദം നൽകിയിട്ടും ബംഗളൂരു പോലീസിന്റെ സുരക്ഷാ അനുമതി വൈകിച്ചതോടെ വ്യാഴാഴ്ച യാത്ര മുടങ്ങിയിരുന്നു.പിന്നീട് സിറ്റി ആംഡ് റിസർവ് പോലീസിന്റെ സഹായത്തോടെ സുരക്ഷ ഏർപ്പാടാക്കിയതിനെ തുടർന്നാണ് ഇന്ന് കേരളത്തിലേക്ക് മടങ്ങാൻ മദനിക്ക് അവസരമൊരുക്കിയത്.നേരത്തെ കർണാടക തെരഞ്ഞെടുപ്പ് നടക്കുന്നതിനാൽ മഅദനിയ്ക്ക് അകമ്പടി പോകാൻ പോലീസുകാർ ഇല്ലെന്നാണ് ബംഗളൂരു സിറ്റി പോലീസ് കമ്മീഷണർ അറിയിച്ചിരുന്നത്.മെയ് മൂന്നു മുതൽ 11 വരെ കേരളത്തിൽ താങ്ങാനാണ് മദനിക്ക് കോടതി അനുവാദം നൽകിയിരിക്കുന്നത്. അർബുദ രോഗിയായ മാതാവിനെ കാണാൻ കേരളത്തിലേക്ക് പോകണമെന്നാവശ്യപ്പെട്ടാണ് മഅദനി അപേക്ഷ നൽകിയത്