തിരുവനന്തപുരം:പതിനഞ്ചു ലക്ഷം രൂപ മൂല്യമുള്ള സൗദി റിയാലുമായി യാത്രക്കാരൻ പിടിയിലായി.തിരുവനന്തപുരം വിമാനത്താവളം വഴി ദുബായിലേക്ക് കടക്കാൻ ശ്രമിച്ച തമിഴ്നാട് സ്വദേശി മുഹമ്മദ് ഖാലിദാണ് പിടിയിലായത്.വിമാനത്താവളം വഴി ഒരാൾ വിദേശ കറൻസി കടത്താൻ ശ്രമിക്കുന്നുവെന്ന രഹസ്യ സന്ദേശത്തെ തുടർന്ന് നടത്തിയ പരിശോധനയിലാണ് ഇയാൾ പിടിയിലായത്.ദുബായിൽ ഡ്രൈവറാണ് ഇയാൾ.വിദേശ കറൻസി തന്റെ സ്വന്തം പണമാണെന്നാണ് ഇയാൾ കസ്റ്റംസ് അധികൃതരോട് പറഞ്ഞത്.ഇയാളെ കോടതിയിൽ ഹാജരാക്കിയ ശേഷം പിടിച്ചെടുത്ത പണം സർക്കാർ അക്കൗണ്ടിലേക്കു മാറ്റുമെന്ന് കസ്റ്റംസ് അധികൃതർ പറഞ്ഞു.