കൊച്ചി:ബാങ്ക് ഓഫ് ബറോഡ,വിജയ,ദേന ബാങ്കുകൾ തമ്മിൽ ലയിപ്പിക്കാൻ കേന്ദ്ര സർക്കാർ നീക്കം.ലയനം സാധ്യമാകുന്നതോടെ ഇത് രാജ്യത്തെ മൂന്നാമത്തെ വലിയ ബാങ്ക് ആകുമെന്ന് കേന്ദ്ര ധനകാര്യ സേവന സെക്രെട്ടറി രാജീവ് കുമാർ വ്യക്തമാക്കി.മൂന്നു ബാങ്കുകളുടെയും ഡയറക്റ്റർ ബോർഡിനോട് ലയന നീക്കം ചർച്ച ചെയ്യാൻ ധനമന്ത്രാലയം ആവശ്യപ്പെട്ടിട്ടുണ്ട്. ലയനത്തിൽ മൂന്നു ബാങ്കുകളിലെയും ജീവനക്കാരെ സംരക്ഷിക്കുമെന്ന് ധനമന്ത്രി അരുൺ ജെയ്റ്റ്ലി ഉറപ്പു നൽകി.എസ്ബിടി ഉൾപ്പെടെയുള്ള അസ്സോസിയേറ്റ് ബാങ്കുകളെ എസ് ബി ഐ യിൽ ലയിപ്പിച്ചതിനു പിന്നാലെയാണ് കേന്ദ്രത്തിന്റെ പുതിയ നീക്കം. വരും വർഷങ്ങളിൽ പൊതു മേഖലയിൽ കൂടുതൽ ബാങ്ക് ലയനങ്ങൾ ഉണ്ടാകുമെന്നാണ് സൂചന.