ചെന്നൈ : തമിഴ്നാട്ടിലെ രാഷ്ട്രീയ അനിശ്ചിതത്വങ്ങൾക്ക് വിരാമം. തമിഴ്നാടിന്റെ പുതിയ മുഖ്യമന്തിയായി എടപ്പാടി പളനി സ്വാമി ഇന്ന് സത്യപ്രതിജ്ഞ ചെയ്യും. രാവിലെ ഗവർണറുമായി നടന്ന കൂടിക്കാഴ്ചയിൽ സർക്കാർ രൂപീകരിക്കാൻ സി വിദ്യാസാഗർ റാവു പളനിസ്വാമിയെ ക്ഷണിച്ചു.
പതിനഞ്ചു ദിവസത്തിനകം വിശ്വാസവോട്ട് തേടണമെന്നും ഗവർണർ പളനിസ്വാമിയോട് ആവശ്യപ്പെട്ടിട്ടുണ്ട്. ഇന്ന് വൈകിട് 4 30 ഓടെ പളനിസ്വാമി സത്യപ്രതിജ്ഞ ചെയ്യുമെന്നാണ് സൂചന.
കഴിഞ്ഞ രണ്ടാഴ്ചയിലേറെയായി നിലനിൽക്കുന്ന രാഷ്ട്രീയ ഭരണ പ്രതിസന്ധികൾക്കാണ് ഇതോടെ വിരാമമാവുന്നത്. വാര്‍ത്ത പുറത്തുവന്നതോടെ കൂവത്തൂരിലെ റിസോര്‍ട്ടില്‍ ശശികല അനുകൂലികള്‍ ആഹ്ലാദ പ്രകടനം തുടങ്ങി. സേലം ജില്ലയിലെ എടപ്പാടിയില്‍നിന്നുള്ള ജനപ്രതിനിധിയാണ് പളനിസാമി.