കണ്ണൂർ: പരിയാരം മെഡിക്കല്‍ കോളേജിൽ കോവിഡ് രോഗി ആശുപത്രി കെട്ടിടത്തില്‍ നിന്ന് വീണു മരിച്ചു. പയ്യന്നൂര്‍ വെള്ളൂരിലെ മൂപ്പന്‍റകത്ത് അബ്ദുല്‍ അസീസ് ആണ് മരിച്ചത്. ഇന്ന് രാവിലെ എട്ടേമുക്കാലോടെയാണ് സംഭവം.ആശുപത്രി കെട്ടിടത്തിന്‍റെ ഏഴാം നിലയില്‍ നിന്നാണ് അബ്ദുല്‍ അസീസ് വീണത്. കോവിഡിനൊപ്പം ശ്വാസകോശ കാന്‍സര്‍ ബാധിതന്‍ കൂടിയായിരുന്നു അബ്ദുല്‍ അസീസ്. ഏഴാംനിലയിലെ ഫയര്‍ എക്സിറ്റില്‍ നിന്നും താഴേക്ക് ചാടുകയായിരുന്നുവെന്ന് ദൃക്സാക്ഷികള്‍ പറയുന്നു. കൂടെയുണ്ടായിരുന്ന മകന്‍ പുറത്ത് പോയപ്പോഴാണ് സംഭവമുണ്ടായത്. പരിയാരം പൊലീസ് അന്വേഷണം തുടങ്ങി.