കണ്ണൂർ:വോട്ടവകാശം വിനിയോഗിക്കുന്നതിന്റെ പ്രാധാന്യം സമ്മതിദായകരെ ബോധ്യപ്പെടുത്തുന്നത്തിനും വോട്ടിങ് ശതമാനം വർധിപ്പിക്കുന്നതിനും ബോധവൽക്കരണം നൽകുക ലക്ഷ്യത്തോടെ കളക്റ്ററേറ്റ് പരിസരത്ത് വോട്ടുമരം സംഘടിപ്പിച്ചു.സ്വീപ്പിന്റ ആഭിമുഖ്യത്തിൽ നടത്തിയ പരിപാടി കലക്റ്റർ മിര മുഹമ്മദലി ഉൽഘാടനം ചെയ്തു.ഏപ്രിൽ 23 ന് നടക്കുന്ന തിരഞ്ഞെടുപ്പിൽ കന്നി വോട്ടർമാരുൾപ്പെടെ എല്ലാവരും തങ്ങളുടെ വോട്ടവകാശം വിനിയോഗിക്കണമെന്ന് കലക്റ്റർ പറഞ്ഞു.സ്വീപിന്റെ(സിസ്റ്റമാറ്റിക് വോട്ടേഴ്‌സ് എഡ്യൂക്കേഷൻ ആൻഡ് ഇലക്റ്ററൽ പാർട്ടിസിപ്പേഷൻ) ലോഗോ പ്രകാശനവും ചടങ്ങിൽ നടന്നു. പരിപാടിയിൽ പങ്കെടുത്തവർ ഒപ്പിനോടൊപ്പം തിരഞ്ഞെടുപ്പ് സന്ദേശവും ഒപ്പുമരത്തിൽ രേഖപ്പെടുത്തി.എ.ഡി.എം ഇ.മുഹമ്മദ് യൂസഫ്,സബ് കലക്റ്റർ ആസിഫ്.കെ.യൂസഫ്,ഡെപ്യുട്ടി കലക്റ്റർ(ഇലെക്ഷൻ)എ.കെ രാമേന്ദ്രൻ,സീനിയർ സൂപ്രണ്ട് സി.എം ലതാദേവി,നോഡൽ ഓഫീസർമാർ,അസിസ്റ്റന്റ് റിട്ടേണിങ് ഓഫീസർമാർ,കളക്റ്ററേറ്റ് ജീവനക്കാർ തുടങ്ങിയവർ പരിപാടിയിൽ പങ്കെടുത്തു.