തിരുവനന്തപുരം: പ്രതിപക്ഷ ബഹളത്തേത്തുടർന്ന് നിയമസഭ ഇന്നത്തേക്ക് പിരിഞ്ഞു. എടത്തല പോലീസ് മർദ്ദനത്തിൽ അടിയന്തര പ്രമേയത്തിന് അനുമതി നിഷേധിച്ചതിനു പിന്നാലെയാണ് പ്രതിപക്ഷം സഭയിൽ പ്രതിഷേധം ശക്തമാക്കിയത്. ഇതോടെ സഭ ഇന്നത്തേക്ക് പിരിയുകയായിരുന്നു.സംഭവത്തില്‍ ഉള്‍പ്പെട്ട ഉസ്മാനെ അറസ്റ്റ് ചെയ്ത് നീക്കിയശേഷം തീവ്രസ്വഭാവമുള്ള ആളുകള്‍ പൊലീസിനെ കൂട്ടംചേര്‍ന്ന്‌ ആക്രമിക്കുകയായിരുന്നു. ആലുവ സ്വതന്ത്ര റിപ്പബ്ലിക്‌ അല്ലെന്നും അവിടെയുള്ള തീവ്രവാദ സ്വഭാവമുള്ളവര്‍ക്ക്‌ പൊലീസിനെ കയ്യേറ്റം ചെയ്യാന്‍ ചെയ്യാന്‍ അവകാശമില്ലെന്നും മുഖ്യമന്ത്രി പറഞ്ഞു.പൊലീസ്‌ സംവിധാനത്തെ തകര്‍ക്കാന്‍ ശ്രമിക്കുന്നതൊന്നും അനുവദിക്കില്ല. തീവ്രവാദികളെ ആ നിലയ്‌ക്ക്‌ തന്നെ കാണണം.സഭയെ തെറ്റിദ്ധരിപ്പിക്കാന്‍ നോക്കേണ്ടെന്നും മുഖ്യമന്ത്രി പറഞ്ഞു.എടത്തല സംഭവം ചര്‍ച്ചചെയ്യണമെന്നാവശ്യപ്പെട്ട്‌ പ്രതിപക്ഷത്തുനിന്നും അന്‍വര്‍ സാദത്ത് എംഎല്‍എ ഉന്നയിച്ച അടിയന്തരപ്രമേയ നോട്ടീസില്‍ മറുപടി പറയുകയായിരുന്നു മുഖ്യമന്ത്രി.