തിരുവനന്തപുരം:’ഓപ്പറേഷന്‍ വേട്ട’ എന്ന പേരിൽ സംസ്ഥാന വ്യാപകമായി ക്വാറികളില്‍ വിജിലന്‍സ് റെയ്ഡ് നടത്തുന്നു.ക്വാറികളില്‍ വ്യാപകമായി അനധികൃത ഖനനം നടക്കുന്നുവെന്ന വിവരത്തിന്റെ അടിസ്ഥാനത്തിലാണ് റെയ്ഡ് നടക്കുന്നത്.സംസ്ഥാനത്തെ എല്ലാ ജില്ലകളിലെ ക്വാറികളിലും പരിശോധന നടത്തുന്നുണ്ട്. അനുമതിയോടെയാണോ ക്വാറി പ്രവര്‍ത്തിപ്പിക്കുന്നത്, ഖനനം ചെയ്തെടുക്കുന്നതിന്‍റെ അളവ്, സ്ഫോടനത്തിന് ഉപയോഗിക്കുന്ന വസ്തുക്കള്‍ തുടങ്ങി പ്രധാനമായ വിവരങ്ങളാണ് സംഘം പരിശോധിക്കുന്നത്. അനുവദിച്ചതിലും അധികം അളവില്‍ ഖനനം നടക്കുന്നുവെന്ന നിരവധി പരാതികളും ഉയര്‍ന്നിരുന്നു.