കണ്ണൂർ:കടമ്പൂർ കണ്ടോത്ത് എൽപി സ്കൂളിന് സമീപം വീടുതകർന്നു വീണ് വയോധിക മരിച്ചു.കടമ്പൂർ ഗ്രാമപഞ്ചായത്ത് എട്ടാം വാർഡ് മെമ്പർ ദിനേശൻ നമ്പ്യാരുടെ വീടാണ് തകർന്നത്.അപകടത്തിൽ ദിനേഷ് നമ്പ്യാരുടെ അമ്മ എ.ലക്ഷ്മി(85) ആണ് മരിച്ചത്. അപകടസമയത്ത് ലക്ഷ്മിയമ്മയും ഇവരുടെ രണ്ടു മക്കളായ സതീശൻ,സുജാത എന്നിവരുമാണ് വീട്ടിലുണ്ടായിരുന്നത്.ഇവരുടെ മേൽ ഇടിഞ്ഞവീടിന്റെ ഓടും ചുവരും വന്ന് പതിക്കുകയായിരിന്നു. ഗുരുതരമായി പരിക്കേറ്റ ലക്ഷ്മിയമ്മയെ തലശ്ശേരി കോ- ഒപ്പററ്റീവ് ഹോസ്പിറ്റലിൽ പ്രവേശിപ്പിച്ചെങ്കിലും അവിടെ വെച്ച് മരിക്കുകയായിരിന്നു. പരിക്കേറ്റ സുജാതയും സതീശനും തലശ്ശേരി സഹകരണ ആശുപത്രിയിൽ ചികിത്സയിലാണ്. വ്യാഴാഴ്ച രാത്രി എട്ടുമണിയോടുകൂടിയാണ് അപകടം നടന്നത്.നാട്ടുകാരും അഗ്നിരക്ഷാസേനയും ചേർന്നാണ് രക്ഷാപ്രവർത്തനം നടത്തിയത്.