ന്യൂഡൽഹി:രാജ്യത്ത് കൊറോണ വൈറസ് ബാധിച്ച് മരിച്ചവരുടെ എണ്ണം മൂന്നായി.മുംബൈ കസ്തൂര്‍ബ ആശുപത്രിയില്‍ കൊറോണ വൈറസ് ബാധിച്ച് ചികിത്സയിലായിരുന്ന 64-കാരനാണ് മരിച്ചത്.ഭാര്യക്കും മകനുമൊപ്പം ദുബൈയില്‍ നിന്നെത്തിയ ഇയാളെ ശ്വാസ തടസ്സത്തെ തുടര്‍ന്ന് നഗരത്തിലെ സ്വകാര്യ ആശുപത്രിയില്‍ പ്രവേശിപ്പിക്കുകയായിരുന്നു. വെള്ളിയാഴ്ചയാണ് ഇയാൾക്ക് കോവിഡ് 19 സ്ഥിരീകരിച്ചത്.തുടര്‍ന്ന് കസ്തൂര്‍ബ ആശുപത്രിയില്‍ ചികിത്സയിലായിരുന്നു. ഭാര്യക്കും മകനും രോഗം സ്ഥിരീകരിച്ചിട്ടുണ്ട്.ഇവരും കസ്തൂര്‍ബാ ആശുപത്രിയില്‍ ചികിത്സയിലാണ്.കോവിഡ് 19 ബാധയെ തുടര്‍ന്നുള്ള മഹാരാഷ്ട്രയിലെ ആദ്യ മരണമാണിത്.നേരത്തെ കര്‍ണാടകയിലും ഡല്‍ഹിലുമായിരുന്നു ഓരോരുത്തര്‍ മരിച്ചത്. രാജ്യത്താകമാനം ഇതുവരെ 125 പേര്‍ക്കാണ് രോഗം സ്ഥിരീകരിച്ചിട്ടുള്ളത്.മഹാരാഷ്ട്രയിലാണ് ഏറ്റവും കൂടുതല്‍ രോഗബാധിതര്‍ ഉള്ളത്.