കൊല്ലം:മൽസ്യബന്ധന വള്ളത്തിൽ ബോട്ടിടിച്ച് ഒരാൾ മരിച്ചു.പള്ളിത്തോട്ടം സ്വദേശി ബൈജുവാണ് മരിച്ചത്. ഒപ്പമുണ്ടായിരുന്ന ഫെഡറിക്, ഡാനിയല്‍ എന്നിവര്‍ക്ക് പരിക്കേറ്റു.കൊല്ലം തങ്കശേരിയില്‍നിന്നു പോയ ബോട്ടാണ് അപകടത്തില്‍പ്പെട്ടത്. കരയില്‍നിന്നു മൂന്നു നോട്ടിക്കല്‍ മൈല്‍ അകലെ പുറം കടലിലായിരുന്നു അപകടം. ബോട്ട് വള്ളത്തിലിടിച്ച്‌ വള്ളം മറിയുകയും അതിലുണ്ടായിരുന്ന മൂന്ന് പേര്‍ കടലിലേക്ക് വീഴുകയുമായിരുന്നു. പുലര്‍ച്ചെ വെളിച്ചക്കുറവായതിനാല്‍ വള്ളം ശ്രദ്ധയില്‍ പെടാത്തതാണ് അപകടത്തിനിടയാക്കിയതെന്നാണ് ബോട്ടിലുള്ളവര്‍ പറയുന്നത്. ബോട്ട് പൊലീസ് കസ്റ്റഡിയിലെടുത്തു. ബോട്ടിലുള്ളവരെ ചോദ്യം ചെയ്ത് വരികയാണ്.