ന്യൂഡൽഹി:ഒമൈക്രോണ് വ്യാപനത്തിന്റെ പശ്ചാത്തലത്തില് ദില്ലിയില് കൂടുതല് നിയന്ത്രണങ്ങള് ഏര്പ്പെടുത്തുമെന്ന് മുഖ്യമന്ത്രി അരവിന്ദ് കെജ്രിവാള്.സ്കൂളുകളും കോളേജുകളും അടച്ചിടും. സ്വകാര്യ സ്ഥാപനങ്ങളില് 50 ശതമാനം ജോലിക്കാര് മാത്രം ഹാജരായാൽ മതി.സ്വിമ്മിങ്ങ് പൂള്, ജിം, തീയേറ്റര് തുടങ്ങിയവ അടച്ചിടും. മെട്രൊയില് 50 ശതമാനം യാത്രക്കാരെ മാത്രമേ അനുവദിക്കൂ. ഹോട്ടലുകളില് 50 ശതമാനം ആളുകൾക്ക് മാത്രം പ്രവേശനാനുമതി. കടകള് ഇടവിട്ട ദിവസങ്ങളിൽ മാത്രമേ തുറക്കാവൂ.വിവാഹങ്ങളിലും മരണാനന്തര ചടങ്ങുകളിലും 20 പേര്ക്ക് പങ്കെടുക്കാം.മാളുകളിലും മാര്ക്കറ്റുകളിലും തിരക്ക് കൂടുന്ന പശ്ചാത്തലത്തില് ഇത് നിയന്ത്രിക്കും. നിയന്ത്രണങ്ങള് ഇനിയും വര്ധിപ്പിക്കുമെന്ന് മുഖ്യമന്ത്രി അരവിന്ദ് കെജ്രിവാള് പറഞ്ഞു.നിയന്ത്രണങ്ങൾ അറിയിച്ചുകൊണ്ടുള്ള വിശദമായ ഉത്തരവ് ഉടന് പുറത്തിറക്കും.സാമൂഹിക അകലം പാലിക്കണമെന്നും നിര്ബന്ധമായി മാസ്ക് ധരിക്കണമെന്നും അദ്ദേഹം നിര്ദേശം നല്കി.