ഇരിട്ടി:കരിക്കോട്ടക്കരിയില്‍ വയോധികയെ വീടിനുള്ളില്‍ രക്തംവാർന്ന് മരിച്ച നിലയില്‍ കണ്ടെത്തി.പതിനെട്ടേക്കറിലെ കായംമാക്കല്‍ മറിയക്കുട്ടിയെയാണ് (82) മരിച്ചത്. ബുധനാഴ്ച വൈകീട്ട് 6.30ഓടെയാണ് മറിയക്കുട്ടി വീട്ടിനുള്ളില്‍ മരിച്ച നിലയില്‍ കാണപ്പെട്ടത്. മറിയക്കുട്ടിയോടൊപ്പം താമസിച്ചിരുന്ന മകന്‍ മാത്യു റബര്‍ ടാപ്പിങ്ങിന് പോയ സമയത്തായിരുന്നു സംഭവം.വീടിനകത്ത് ഉമ്മറപ്പടിക്ക് സമീപം വീണുകിടക്കുന്ന നിലയിലായിരുന്നു മൃതദേഹം. നെറ്റിയിലും തലയിലും പരിക്കുകളുള്ളതായും ഒരു കൈയില്‍ ഒടിവുള്ളതായും സംശയിക്കുന്നു. സംഭവത്തില്‍ ദുരൂഹതയുള്ളതിനാല്‍ ഡോഗ് സ്ക്വാഡ്, വിരലടയാള വിദഗ്ധ സംഘം എന്നിവര്‍ സ്ഥലത്തെത്തി പരിശോധന നടത്തി.കരിക്കോട്ടക്കരി സി.ഐ ശിവന്‍ ചോടോത്തിന്റെ നേതൃത്വത്തില്‍ ഇന്‍ക്വസ്റ്റ് നടത്തിയ ശേഷം മൃതദേഹം പോസ്റ്റുമോര്‍ട്ടത്തിനായി പരിയാരം മെഡിക്കല്‍ കോളജ് ആശുപത്രിയിലേക്ക് മാറ്റി. പോസ്റ്റുമോര്‍ട്ടം റിപ്പോര്‍ട്ടിെന്‍റ അടിസ്ഥാനത്തില്‍ മാത്രമേ മരണകാരണം വ്യക്തമാവുകയുള്ളൂവെന്നും കൂടുതല്‍ അന്വേഷണം നടന്നുവരുകയാണെന്നും പൊലീസ് വ്യക്തമാക്കി.