കൊച്ചി:സംസ്ഥാനത്ത് എണ്ണവില വീണ്ടും കൂടി.പെട്രോള്‍ ലിറ്ററിന് 15 പൈസ കൂടി 77.72 രൂപയായി. ഡീസലിന് 17 പൈസ കൂടി 72.41 രൂപയിലാണ് വ്യാപാരം.പുതുവര്‍ഷത്തില്‍ മാത്രം പെട്രോളിന് 50 പൈസയും ഡീസലിന് 68 പൈസയും കൂടി. രാജ്യാന്തര വിപണിയില്‍ അസംസ്കൃത എണ്ണയിലുണ്ടായ വര്‍ധനവാണ് ആഭ്യന്തര വിപണിയില്‍ പ്രതിഫലിച്ചത്.അസംസ്കൃത എണ്ണയുടെ വില ബാരലിന് 2.42 ശതമാനം വര്‍ധിച്ച്‌ 70.26 ഡോളര്‍ ആയി.പശ്ചിമേഷ്യയില്‍ തുടരുന്ന ഇറാന്‍-അമേരിക്ക സംഘര്‍ഷമാണ് വില വര്‍ധനവിന് വഴിവെച്ചത്.