അഴീക്കൽ:ഓഖി ചുഴലിക്കാറ്റിൽപെട്ട ഒരു ബോട്ടുകൂടി അഴീക്കൽ തീരത്തെത്തി.പൊന്നാനിയിൽ നിന്നും നാലുദിവസം മുൻപ് പുറപ്പെട്ട ലൂർദ്മാത എന്ന ബോട്ടാണ്‌ അഴീക്കലിലെത്തിയത്.ചൊവ്വാഴ്ച ഉച്ചയ്ക്ക് പന്ത്രണ്ടുമണിയോടുകൂടി തീരത്തെത്തിയ ബോട്ടിൽ 11 പേരാണ് ഉണ്ടായിരുന്നത്.ഏഴിമല കടലിലെത്തിയ ബോട്ടിനെ മറൈൻ എൻഫോഴ്‌സ്‌മെന്റും തീരസംരക്ഷണ സേനയും ചേർന്ന് വടംകെട്ടി വലിച്ചാണ് അഴീക്കലിലെത്തിച്ചത്.എട്ടോടെ കാറ്റിൽപെട്ട് അഴീക്കൽ തീരത്തെത്തിയ ബോട്ടുകളുടെ എണ്ണം നാലായി.അതേസമയം തീരത്തെത്തിയ ബോട്ടുകളിലെ തൊഴിലാളികൾക്ക് ആവശ്യമായ സൗകര്യങ്ങൾ അധികൃതർ നല്കുന്നില്ലെന്ന പരാതിയുണ്ട്.ദിവസങ്ങളോളം കടലിൽ കഴിഞ്ഞ് തിരിച്ചെത്തിയ തൊഴിലാളികൾക്ക് യഥാസമയത്ത് ഭക്ഷണവും വെള്ളവും നല്കുന്നില്ലെന്നാണ് പരാതി.