കൊല്ലം:ഓച്ചിറയിൽ ഇതരസംസ്ഥാനക്കാരിയായ പെൺകുട്ടിയെ തട്ടിക്കൊണ്ടുപോയ സംഭവത്തിൽ പെൺകുട്ടിയുടെ നിർണായക വെളിപ്പെടുത്തൽ.തന്നെ തട്ടിക്കൊണ്ടുപോയതല്ലെന്നും സ്വന്തം ഇഷ്ടപ്രകാരം ഇറങ്ങിപോയതാണെന്നും പെൺകുട്ടി വ്യക്തമാക്കി.പെൺകുട്ടിയെ താൻ തട്ടിക്കൊണ്ടുപോയതല്ലെന്ന് പ്രതി റോഷനും പറഞ്ഞു.ഏറെനാളായി തങ്ങൾ പ്രണയത്തിലാണ്.പ്രണയം വീട്ടുകാർ അറിഞ്ഞു.ഇതോടെ വീട്ടുകാർ വേറെ കല്യാണാലോചന തുടങ്ങി.ഇതേ തുടർന്നാണ് നാടുവിടേണ്ടി വന്നത്.ട്രെയിനിൽ മംഗലാപുരത്തെത്തി അവിടെ ഒരു ദിവസം തങ്ങി.പിന്നീട് അവിടെ നിന്നും മറ്റൊരു ട്രെയിനിൽ മുംബൈയിലേക്ക് പോയി.നാല് ദിവസമായി മുംബൈയിൽ കഴിയുകയായിരുന്നുവെന്നും റോഷൻ പറഞ്ഞു.