കൊച്ചി:നഴ്‌സുമാരുടെ സമരം ഒത്തുതീർപ്പാക്കുന്നതിനായി ഹൈക്കോടതിയുടെ മീഡിയേഷൻ കമ്മിറ്റി നടത്തിയ ചർച്ച പരാജയപ്പെട്ടു.അടിസ്ഥാന ശമ്പളം 20,000 ആക്കണമെന്ന ആവശ്യം ഇന്ന് നടന്ന ചർച്ചയിലും നഴ്‌സുമാർ ഉയർത്തി.എന്നാൽ ഇത് അംഗീകരിക്കാൻ ആശുപത്രി മാനേജ്മെന്റുകൾ തയ്യാറായില്ല.ഇതോടെ ചർച്ച വഴിമുട്ടുകയായിരുന്നു.മാനേജ്മെന്റുകളുടെ നിലപാടിൽ പ്രതിഷേധിച്ച് നാളെ നഴ്‌സുമാർ കൂട്ട അവധിയെടുത്ത് പ്രതിഷേധിക്കും.മൂന്നിലൊന്നു നഴ്‌സുമാർ മാത്രമേ നാളെ ജോലിയിൽ പ്രവേശിക്കുകയുള്ളൂ.അത്യാഹിത വിഭാഗങ്ങളും മറ്റു അവശ്യ സേവനങ്ങളും തടയില്ലെന്നും ഇവർ അറിയിച്ചിട്ടുണ്ട്.നഴ്‌സുമാരുടെ സമരം ഒത്തുതീർപ്പാക്കാൻ നാളെ മുഖ്യമന്ത്രിയുടെ അധ്യക്ഷതയിൽ ചർച്ച നടത്തുന്നുണ്ട്.