തിരുവനന്തപുരം : സംസ്ഥാനത്ത് കുട്ടികള്‍ കുറഞ്ഞ ആംഗന്‍വാടികള്‍ പൂട്ടിയിടാനും കുറഞ്ഞ കുട്ടികള്‍ ഉള്ളവരെ സമീപത്തെ ആംഗന്‍വാടികളിലേക്ക് മാററാനും നിര്‍ദേശം. ഇതു സംബന്ധിച്ച് ആംഗന്‍വാടി സൂപ്പര്‍വൈസര്‍മാരോട് അന്വേഷണം നടത്തി റിപ്പോര്‍ട്ട് ആവശ്യപ്പെട്ടിരിക്കയാണ് സര്‍ക്കാര്‍. കഴിഞ്ഞ ആഴ്ചയാണ് ഇതു സംബന്ധിച്ച് സര്‍ക്കുലര്‍ ബ്ലോക്ക് ഐ.സി.ഡി.എസ്. ഓഫീസുകളില്‍ എത്തിയത്.
വിവിധ ബ്ലോക്കുകളായി നിരവധി ആംഗന്‍വാടികള്‍ ഉണ്ട്. കുട്ടികള്‍ കുറഞ്ഞ കാരണം പറഞ്ഞ് അംഗന്‍വാടികള്‍ പൂട്ടാനുളള സര്‍ക്കാര്‍ തീരുമാനം പ്രതിഷേധത്തോടെയാണ് പലരും സ്വീകരിച്ചത്. സര്‍ക്കാറിന്റെ ഈ തീരുമാനം സര്‍വെ നടത്തി നടുവൊടിഞ്ഞു നില്‍ക്കുന്ന ആംഗന്‍വാടി ജീവനക്കാരില്‍ നിന്നും കടുത്ത എതിര്‍പ്പാണ് ഉണ്ടാകുന്നത്.