യുപി:റായ്‌ബറേലി എൻടിപിസി പ്ലാന്റിൽ ഇന്നലെയുണ്ടായ സ്ഫോടനത്തിൽ മരിച്ചവരുടെ എണ്ണം 26 ആയി. ഇന്നലെ ഉച്ചകഴിഞ്ഞ് 3.30ന് പ്ലാന്റിലെ 500 മെഗാ വാട്ടിന്‍റെ ആറാമത്തെ യൂണിറ്റിലാണ് അപകടമുണ്ടായത്.സംഭവത്തിൽ നൂറിലേറെ പേർക്കാണ് പരിക്കേറ്റിരിക്കുന്നത്. ഇവരിൽ പലരുടേയും നില ഗുരുതരമാണ്. അപകടം നടക്കുമ്പോൾ 150ഓളം തൊഴിലാളികൾ പ്ലാന്‍റിലുണ്ടായിരുന്നു.അപകടത്തിൽ മരിച്ചവരുടെ കുടുംബങ്ങൾക്ക് രണ്ടു ലക്ഷം രൂപയും ഗുരുതരമായി പരിക്കേറ്റവരുടെ കുടുംബങ്ങൾക്ക് 50,000 രൂപയും പരിക്കേറ്റവർക്ക് 25,000 രൂപയും അടിയന്തരസഹായം പ്രഖ്യാപിച്ചതായി മുഖ്യമന്ത്രി യോഗി ആദിത്യനാഥ് അറിയിച്ചു. പ്ലാന്റിലെ നീരാവി കടന്നു പോകുന്ന ബോയ്‌ലർ പൈപ്പ് പൊട്ടിത്തെറിച്ചാണ് അപകടമുണ്ടായത്.