കൊച്ചി :മൽസ്യങ്ങളിലെ മായം കണ്ടെത്താൻ ഇനി വെറും മൂന്നു മിനിറ്റ് മതി.ഇതിനായുള്ള ഒരു കിറ്റ് സെൻട്രൽ ഇൻസ്റ്റിറ്റ്യൂട്ട് ഓഫ് ഫിഷറീസ് ടെക്നോളജിയിലെ രണ്ടു വനിതാ ശാസ്ത്രജ്ഞരായ എസ്.ജെ ലാലി,ഇ.ആർ പ്രിയ എന്നിവർ ചേർന്ന് വികസിപ്പിച്ചെടുത്തു. ചെറിയൊരു സ്ട്രിപ്പാണ് ഇതിനായി ഉപയോഗിക്കുന്നത്.ഇത് മീനിൽ പതിയെ അമർത്തിയ ശേഷം ഇതിലേക്ക് ഒരു തുള്ളി രാസലായനി ഒഴിക്കണം.മായം കലർന്ന മീനാണെങ്കിൽ മൂന്നു മിനിറ്റിനുള്ളിൽ സ്ട്രിപ്പിന്റെ നിറം മാറും.മീനിൽ സാധാരണയായി ചേർക്കുന്ന അമോണിയ,ഫോർമാലിൻ എന്നീ രാസവസ്തുക്കൾ കണ്ടെത്തുന്നതിനായി രണ്ടു കിറ്റുകളാണ് പുറത്തിറക്കുന്നത്.