ന്യൂഡൽഹി: സംസ്ഥാനത്തിന് കിട്ടിയ വാക്‌സിനില്‍ ഒരു തുളളി പോലും പാഴാക്കാതെ ഉപയോഗിച്ചതിന് കേരളത്തിലെ ആരോഗ്യപ്രവർത്തകരെ അഭിന്ദിച്ച് പ്രധാമന്ത്രി നരേന്ദ്ര മോഡി. മുഖ്യമന്ത്രി പിണറായി വിജയന്റെ ട്വീറ്റിന് മറുപടി ആയാണ് പ്രധാനമന്ത്രിയുടെ കുറിപ്പ്. കേന്ദ്രസര്‍ക്കാരില്‍ നിന്ന് സംസ്ഥാനത്തിന് ലഭിച്ചത് 73,38,860 ഡോസ് വാക്‌സിനാണ്. ആ വാക്സിന് മുഴുവന്‍ സംസ്ഥാനം ഉപയോഗിച്ചു. ഓരോ വാക്സിന് വയലിനകത്തും പത്തു ഡോസ് കൂടാതെ വേസ്‌റ്റേജ് ഫാക്‌ടര്‍ എന്ന നിലയ്ക്ക് ഒരു ഡോസ് അധികമുണ്ടായിരിക്കും. വളരെ സൂക്ഷ്‌മതയോടെ ഒരു തുളളി പോലും പാഴാക്കാതെ ഉപയോഗിച്ചതിനാല്‍ ഈ അധിക ഡോസ് കൂടി ആളുകള്‍ക്ക് നല്‍കാന്‍ സാധിച്ചു. അതിനാലാല്‍ 73,38,860 ഡോസ് നമുക്ക് ലഭിച്ചപ്പോള്‍ 74,26,164 ഡോസ് ഉപയോഗിക്കാന്‍ സാധിച്ചെന്നാണ് മുഖ്യമന്ത്രി പറഞ്ഞിരുന്നത്.വാക്സിന് പാഴാക്കാതെ ഫലപ്രദമായി ഉപയോഗിച്ച ആരോഗ്യപ്രവര്‍ത്തകര്‍ മാതൃകയാണെന്നും പ്രത്യേകിച്ച്‌ നഴ്‌സുമാര്‍, വളരെ കാര്യപ്രാപ്‌തിയുളളവരാണെന്നും പൂര്‍ണമനസോടെ അഭിനന്ദനം അര്‍ഹിക്കുന്നുവെന്നും മോദി പറഞ്ഞു. അതേസമയം തൊട്ടടുത്ത തമിഴ്‌നാട്ടിലും മറ്റു കോവിഡ് വാക്സിന് പാഴാക്കുമ്ബോഴായിരുന്നു കേരളം നേട്ടമാക്കി മാറ്റിയത്. 12.4 ശതമാനമാണ് തമിഴ്‌നാട്ടിലെ പാഴാകല്‍ നിരക്ക്. രണ്ടാം സ്ഥാനത്ത് ഹരിയാനയാണ് 10 ശതമാനം, ബീഹാറാണ് മൂന്നാം സ്ഥാനത്ത് 8.1 ശതമാനമാണ് ഇവിടുത്തെ വാക്സിന് പാഴാകല്‍ നിരക്ക്.കേരളം, പശ്ചിമ ബംഗാള്‍, ലക്ഷദ്വീപ്, അന്തമാന്‍ നിക്കോബാര്‍, മിസോറാം എന്നീ സംസ്ഥാനങ്ങളാണ് വാക്സിന് പാഴാക്കലില്‍ നിരക്ക് പൂജ്യമായ സംസ്ഥാനങ്ങള്‍.