കൊച്ചി:നിപ വൈറസ് ബാധയെ തുടർന്ന് ചികിത്സയിൽ കഴിയുന്ന വിദ്യാർത്ഥിയുടെ ആരോഗ്യനിലയിൽ കാര്യമായ പുരോഗതി ഉള്ളതായി ആശുപത്രി അധികൃതർ.കളമശ്ശേരിയിലെ പരിശോധനയിൽ രക്തത്തിലും തൊണ്ടയിലെ സ്രവത്തിലും വൈറസ് ഇല്ല. ക്ഷീണം കുറവുള്ളത് തുടര്‍ ചികിത്സക്കും സഹായകരമാകുന്നുവെന്ന് ഡോക്ടര്‍മാര്‍ അറിയിച്ചു.രോഗം പൂര്‍ണമായി മാറുന്നത് വരെ വിദഗ്ധ ഡോക്ടര്‍മാരുടെ നേതൃത്വത്തിലുളള ചികിത്സ തുടരാനാണ് തീരുമാനം. മൂത്രത്തിൽ വൈറസിന്റെ സാന്നിധ്യം ഉണ്ടെങ്കിലും ആശങ്കയുണ്ടാക്കുന്ന സാഹചര്യം ഇല്ല. ഇത് ഔദ്യോഗികമായി സ്‌ഥിരീകരിക്കാൻ പൂനെയിൽ നിന്നുള്ള ഫലം വരണം. യുവാവിന്റെ രണ്ടാംഘട്ട രക്ത സാമ്പിളും പരിശോധനയ്ക്കായി പൂനെയിലേക്ക് അയച്ചിട്ടുണ്ട്.