ചണ്ഡീഗഡ്:സ്കൂൾ കുട്ടികൾക്ക് ഇടയിലേക്ക് ട്രക്ക് പാഞ്ഞുകയറി ഒൻപതുപേർ മരിച്ചു.ഏഴുപേർക്ക് ഗുരുതരമായി പരിക്കേറ്റു.പഞ്ചാബിലെ ബാദിൻഡ ജില്ലയിലാണ് സംഭവം.സംഭവസ്ഥലത്തെ ഫ്‌ളൈഓവറിന്റെ ഓരത്ത് നിൽക്കുകയായിരുന്ന കുട്ടികളുടെ ഇടയിലേക്ക് ട്രക്ക്പാഞ്ഞുകയറുകയായിരുന്നു.മൂടൽ മഞ്ഞ് കാരണം ഡ്രൈവർക്ക് കാഴ്ച മങ്ങിയതാണ് അപകടകാരണം.വിദ്യാർഥികൾ സ്കൂലേക്ക് പോകാനായി കയറിയ ബസ് മറ്റൊരു മിനി ബസുമായി കൂട്ടിയിടിച്ചതിനെ തുടർന്ന് ബേസിൽ നിന്നും ഇറങ്ങി മറ്റൊരു വാഹനത്തിനായി വിദ്യാർഥികൾ കാത്തു നിൽക്കുമ്പോഴാണ് അപകടമുണ്ടായത്.പിന്നിൽ നിന്നും വന്ന ട്രക്ക് വിദ്യാർത്ഥികൾക്ക് ഇടയിലേക്ക് പാഞ്ഞു കയറുകയായിരുന്നുവെന്നാണ് പോലീസ് നൽകുന്ന വിവരം.പരിക്കേറ്റവരെ സമീപത്തെ ആശുപത്രികളിൽ പ്രവേശിപ്പിച്ചു.