കാലിഫോർണിയ:അമേരിക്കന്‍ ബാസ്കറ്റ് ബോള്‍ ഇതിഹാസ താരം കോബി ബ്രയന്റും മകളും ഉള്‍പ്പെടെ 9 പേര്‍ ഹെലികോപ്റ്റർ അപകടത്തിൽ കൊല്ലപ്പെട്ടു.പതിമൂന്നുകാരിയായ മകളെ ബാസ്കറ്റ് ബോള്‍ പരിശീലനത്തിനായി കൊണ്ടു പോകും വഴി കാലിഫോര്‍ണിയയിലെ കലബസാസ് മേഖലയിലാണ് അപകടം ഉണ്ടായത്.മോശം കാലാവസ്ഥയാണ് അപകടത്തിന് ഇടയാക്കിയതെന്നാണ് സൂചന. കോബിയുടെ സ്വകാര്യ ഹെലികോപ്ടറാണ് അപകടത്തില്‍പ്പെട്ടത്. അപകടവിവരം അറിഞ്ഞയുടന്‍ തന്നെ രക്ഷാപ്രവര്‍ത്തകര്‍ സ്ഥലത്തെത്തിയെങ്കിലും ആരെയും രക്ഷപെടുത്താന്‍ സാധിച്ചില്ല. എക്കാലത്തെയും മികച്ച ബാസ്ക്കറ്റ് ബോള്‍ താരം എന്ന് വിശേഷിപ്പിക്കപ്പെടുന്ന കോബി ബ്രയന്റിന്റെ അപ്രതീക്ഷിത വിയോഗത്തിന്റെ ഞെട്ടലിലാണ് കായിക ലോകം. ബാസ്ക്കറ്റ് ബോള്‍ ചരിത്രത്തില്‍ നിരവധി നേട്ടങ്ങള്‍ക്ക് ഉടമയായ കോബി, രണ്ട് തവണ ഒളിംപിക് സ്വര്‍ണ്ണം നേടിയിട്ടുണ്ട്.2007-2008 കാലഘട്ടത്തിലെ എന്‍ബിഎ താരങ്ങളില്‍ ഏറ്റവും വിലയേറിയ താരമായിരുന്നു കോബി. എന്‍ബിഎ ചരിത്രത്തിലെ മൂന്നാമത്തെ ഉയര്‍ന്ന സ്കോര്‍ നേട്ടത്തിനുടമയാണ് കോബി .