തിരുവനന്തപുരം:കൊറോണ വ്യാപനം രൂക്ഷമായതിനെ തുടർന്ന് സംസ്ഥാനത്ത് ഏർപ്പെടുത്തിയ രാത്രികാല കർഫ്യൂ നിലവിൽ വന്നു. രാത്രി ഒൻപത് മണി മുതൽ പുലർച്ചെ 5 മണി വരെയാണ് കർഫ്യൂ.പോലീസ് കർശന പരിശോധന നടത്തുന്നുണ്ട്.ആൾക്കൂട്ടങ്ങളും അനാവശ്യ യാത്രകളും അനുവദിക്കേണ്ടെന്നാണ് തീരുമാനം.പൊതുഗതാഗതത്തെയും ചരക്ക് ഗതാഗതത്തെയും രാത്രികാല കർഫ്യൂവിൽ നിന്ന് ഒഴിവാക്കിയിട്ടുണ്ട്. ജനങ്ങൾ പുറത്തിറങ്ങുന്നതും, കൂട്ടം കൂടുന്നതും ഒഴിവാക്കുകയാണ് രാത്രികാല നിയന്ത്രണത്തിന്റെ ലക്ഷ്യമെന്നും ജനങ്ങൾ ഇതിനോട് സഹകരിക്കണമെന്നും പോലീസ് വ്യക്തമാക്കി. എല്ലാ ജില്ലകളിലും ഉന്നത പോലീസ് ഉദ്യോഗസ്ഥരുടെ നേതൃത്വത്തിലാണ് പരിശോധനകൾ നടക്കുന്നത്. പട്രോളിംഗും വർദ്ധിപ്പിച്ചിട്ടുണ്ട്. കൊറോണ മാനദണ്ഡങ്ങൾ പാലിക്കാത്തവർക്കെതിരേ കടുത്ത നടപടി സ്വീകരിക്കാനാണ് നിർദ്ദേശം.