ശ്രീകണ്ഠപുരം ∙ എൻജിഒ അസോസിയേഷൻ ജില്ലാ സമ്മേളനത്തിന് ഇന്ന് തുടക്കം. കമ്യൂണിറ്റി ഹാളിൽ രണ്ടു ദിവസമായി നടക്കുന്ന സമ്മേളനത്തിൽ ജില്ലയിലെ 11 ബ്രാഞ്ചുകളിൽ നിന്നായി 800 പ്രതിനിധികൾ പങ്കെടുക്കുമെന്ന് ജില്ലാ പ്രസിഡന്റ് രാജേഷ് ഖന്ന, നേതാക്കളായ കെ.മധു, ടി.മോഹൻകുമാർ, കെ.സുധാകരൻ, കെ.വി.അബ്ദുൽ റഷീദ് എ.ഉണ്ണിക്കൃഷ്ണൻ, എം.പി.ഷനിജ് എന്നിവർ അറിയിച്ചു. ഇന്ന് 10നു വിമുക്തഭട ഹാളിൽ ജില്ലാ പ്രസിഡന്റ് രാജേഷ് ഖന്ന പതാക ഉയർത്തും.11.30നു നടക്കുന്ന ജില്ലാ കൗൺസിൽ യോഗം നഗരസഭ ചെയർമാൻ പി.പി.രാഘവൻ ഉദ്ഘാടനം ചെയ്യും.നാളെ 10നു സമ്മേളനം കെ.സി.ജോസഫ് എംഎൽഎ ഉദ്ഘാടനം ചെയ്യും. സണ്ണി ജോസഫ് എംഎൽഎ പ്രഭാഷണം നടത്തും. ഡിസിസി പ്രസിഡന്റ് സതീശൻ പാച്ചേനി മുഖ്യാതിഥിയായിരിക്കും. എസ്എസ്എൽ സി, ഹയർസെക്കൻഡറി പരീക്ഷയിൽ ഉന്നതവിജയം നേടിയ യൂണിയൻ അംഗങ്ങളുടെ മക്കൾക്ക് പുരസ്കാരം നൽകും. 11.30നു നടക്കുന്ന പ്രതിനിധിസമ്മേളനം സംസ്ഥാന പ്രസിഡന്റ് എൻ.രവികുമാർ ഉദ്ഘാടനം ചെയ്യും.