കണ്ണൂർ:താഴെചൊവ്വയിൽ പുതിയതായി നിർമിക്കുന്ന പാലത്തിന്റെ പൈലിങ് പണി പൂർത്തിയായി.പഴയപാലത്തിൽ നിന്നും ഒന്നരമീറ്റർ പടിഞ്ഞാറോട്ട് മാറിയാണ് 20 മീറ്റർ നീളത്തിൽ പുതിയ പാലം നിർമിക്കുന്നത്.ഇരുവശങ്ങളിലുമായി എട്ടുവീതം പൈലിംഗാണ് നടത്തിയത്.പൈലിങ്ങിന് ക്യാപ് പണിയുന്നതിനുള്ള പ്രവർത്തനം പുരോഗമിക്കുകയാണ്. നടപ്പാത ഉൾപ്പെടെ 9.80 മീറ്റർ വീതിയുള്ള പാലം നിലവിൽ വരുന്നതോടെ താഴെചൊവ്വ മുതൽ മേലേചൊവ്വ വരെ നീളുന്ന ഗതാഗത കുരുക്കിന് പരിഹാരമാകും.കണ്ണൂർ ഭാഗത്ത് 70 മീറ്ററും തലശ്ശേരി ഭാഗത്ത് 30 മീറ്ററും നീളത്തിൽ അനുബന്ധ റോഡും നിർമിക്കും.നിർമാണം സമയബന്ധിതമായി പൂർത്തിയാക്കുന്നതിനുള്ള തിരക്കിട്ട ജോലികളാണ് നടക്കുന്നത്.