ടെൽ അവീവ് :പ്രധാനമന്ത്രി നരേന്ദ്ര മോദി ഇസ്രയേലിലെത്തി.ഇസ്രായേൽ സന്ദർശിക്കുന്ന ആദ്യ ഇന്ത്യൻ പ്രധാനമന്ത്രിയാണ് മോദി.മോദിയെ സ്വീകരിക്കാൻ വൻ ഒരുക്കങ്ങളാണ് ഇസ്രായേൽ ഭരണകൂടം നടത്തിയിരിക്കുന്നത്.ഇസ്രായേൽ പ്രധാനമന്ത്രി ബെഞ്ചമിൻ നെതന്യാഹു ടെൽ അവീവ് വിമാനത്താവളത്തിൽ മോദിയെ സ്വീകരിക്കാനെത്തി.ഇന്ത്യയുടെ ദേശീയ ഗാനം മുഴക്കിയാണ് ഇസ്രായേൽ മോദിയെ സ്വീകരിച്ചത്.ഇസ്രായേൽ തനിക്കു നൽകിയ സ്വീകരണത്തിൽ മോദി നന്ദി പറഞ്ഞു.അമേരിക്കൻ പ്രസിഡന്റിനും മാർപാപ്പക്കും സമാനമായ സ്വീകരണമാണ് മോദിക്ക് നൽകുകയെന്ന് ഇസ്രായേൽ നേരത്തെ അറിയിച്ചിരുന്നു.