കണ്ണൂര്‍: മുഴപ്പിലങ്ങാട് സീതിന്റെ പള്ളിയോട് ചേര്‍ന്നുള്ള മഖാമിന്റെ അകത്തളം കത്തിയ നിലയില്‍. ബുധനാഴ്ച രാവിലെ മദ്രസയിലെത്തിയ കുട്ടികളാണ് മഖാമിനകത്ത് നിന്ന് പുക ഉയരുന്നത് കണ്ടത്. ഉടനെ പോലീസില്‍ വിവരം അറിയിക്കുകയായിരുന്നു.50 വര്‍ഷത്തിലധികം പഴക്കമുള്ള മഖാമിനകത്ത് ഒരുമീറ്റര്‍ ഉയരത്തില്‍ രണ്ട് മഖ്ബറകളും അതിനിരുവശങ്ങളിലായി തറയില്‍ ഒരോ മഖ്ബറയുമാണുള്ളത്. ഇവയില്‍ ഉയരത്തിലുള്ള രണ്ട് മഖ്ബറകളാണ് കത്തിനശിച്ചത്. ഇതിന് മുകളിലണിയിച്ച പച്ചപ്പട്ടുകളും കത്തിനശിച്ചിട്ടുണ്ട്.സന്ദര്‍കര്‍ മഖാമിന് പുറത്താണ് പ്രാര്‍ത്ഥന നടത്താറുള്ളത്. സംഭവത്തെത്തുടര്‍ന്ന് ഫിംഗര്‍പ്രിന്റ്, ഫോറന്‍സിക് സയന്‍സ് വിഭാഗങ്ങളും ഡോഗ് സ്‌ക്വാഡും പരിശോധന നടത്തി.