പാനൂർ:വസ്ത്രം അലക്കാനെത്തിയ അമ്മ കുളത്തിൽ വീണ നാലു വയസ്സുകാരൻ മകനെ രക്ഷിക്കുന്നതിനിടയിൽ മുങ്ങിമരിച്ചു. പാനൂർ ഈസ്റ്റ് യുപി സ്കൂൾ അധ്യാപകൻ കൂറ്റേരി പുത്തൻ വീട്ടിൽ നിജേഷിന്റെ ഭാര്യ സരിഷ(28) ആണ് മരിച്ചത്.ഇന്നലെ പത്തരയോടെ കൂറ്റേരി വൈരീഘാതക ക്ഷേത്രത്തിനു സമീപത്തെ നാമത്ത് കുളത്തിലാണ് മുങ്ങിമരിച്ചത്.ഈ സമയത്ത് ബന്ധുവായ കുട്ടിയും സമീപത്തുണ്ടായിരുന്നു. നിലവിളി കേട്ടു നാട്ടുകാർ ഓടിയെത്തി പാനൂർ സാമൂഹിക ആരോഗ്യ കേന്ദ്രത്തിലെത്തിച്ചെങ്കിലും രക്ഷിക്കാനായില്ല. ഭർത്താവ് നിജേഷിന്റെ കൂടെയാണ് ഇവർ കുളത്തിലെത്തിയത്. നിജേഷ് പോയതിനു ശേഷമാണ് സംഭവം. മകൻ: തന്മയ്.മൃതദേഹം പരിയാരം മെഡിക്കൽ കോളജ് ആശുപത്രിയിൽ പോസ്റ്റ്മോർട്ടം നടത്തി ഭർതൃവീട്ടിൽ സംസ്കരിച്ചു.