കാസര്‍കോട്: നീലേശ്വരത്ത് മൂന്നുമാസം പ്രായമായ കൈക്കുഞ്ഞുമായി അമ്മ ആത്മഹത്യ ചെയ്തു. കടിഞ്ഞിമൂല സ്വദേശി രമ്യയും കുഞ്ഞുമാണ് മരിച്ചത്.കുഞ്ഞിനെയും എടുത്ത് രമ്യ കിണറ്റില്‍ ചാടി ജീവനൊടുക്കുകയായിരുന്നുവെന്നാണ് വിവരം. പ്രസവത്തിന് ശേഷം രമ്യയ്‌ക്ക് വിഷാദ രോഗലക്ഷണങ്ങൾ ഉണ്ടായിരുന്നതായി കുടുംബാംഗങ്ങൾ പറയുന്നു. മൃതദേഹം കാസർകോഡ് ജില്ലാ ആശുപത്രിയിലാണ്.ഞായറാഴ്ച രാത്രി ഇരുവരെയും കാണാതായതിനെ തുടര്‍ന്ന് തെരച്ചില്‍ നടത്തിയിരുന്നു. തുടര്‍ന്ന് കിണറിന് സമീപത്തു കിടന്ന മൊബൈല്‍ ഫോണിന്റെ ശബ്ദം കേട്ടാണ് ഇരുവരെയും കണ്ടെത്തിയത്.ഭര്‍ത്താവ് പ്രതീഷ് വിമുക്ത ഭടനാണ്. ഏഴു വയസ്സുള്ള ഒരു മകള്‍ കൂടിയുണ്ട്.