തിരുവനന്തപുരം:വെഞ്ഞാറമ്മൂടിൽ മൂന്ന് കുട്ടികൾക്ക് വിഷം നൽകിയ ശേഷം അമ്മ ആത്മഹത്യ ചെയ്തു.കുന്നല്ലൽ സ്വദേശി ശ്രീജയാണ് ആത്മഹത്യ ചെയ്തത്. വിഷം ഉള്ളിൽച്ചെന്ന കുട്ടികൾ ഗുരുതരാവസ്ഥയിലാണ്.ഇന്നലെ രാത്രിയായിരുന്നു സംഭവം. ഒൻപത്, ഏഴ്, മൂന്നര വയസ്സുള്ള കുട്ടികൾക്ക് ഇവർ വിഷം നൽകുകയായിരുന്നു. തുടർന്ന് യുവതിയും ജീവനൊടുക്കി. മുതിർന്ന രണ്ട് പെൺകുട്ടികളും ഒരു ആൺകുട്ടിയുമാണ് ഇവർക്ക് ഉള്ളത്.ശ്രീജയുടെ ഭർത്താവ് ബിജു പൂനെയിലാണ് ഉള്ളത്. കുറച്ച് കാലമായി ഇയാൾ കുടുംബവുമായി പിണങ്ങി കഴിയുകയാണ്. കുടുംബപ്രശ്നങ്ങളാണ് ആത്മഹത്യയ്‌ക്ക് കാരണം എന്നാണ് പോലീസിന്റെ നിഗമനം. സംഭവത്തിൽ അന്വേഷണം ആരംഭിച്ചു.