ലക്‌നൗ: ഉത്തര്‍ പ്രദേശില്‍ കോണ്‍ഗ്രസ്-എസ്പി സഖ്യത്തെ
വിമര്‍ശിച്ച് പ്രധാനമന്ത്രി നരേന്ദ്ര മോദി. കൊള്ളയടിക്കാരായ രണ്ടു കുടുംബങ്ങള്‍ തമ്മിലുള്ള കൂട്ടുക്കെട്ടാണ് എസ്പി-കോണ്‍ഗ്രസ് സഖ്യം എന്നും രണ്ടു കുടുംബങ്ങളും ഒറ്റക്കായിരുന്ന സമയത്ത് രാജ്യത്തിനും ഉത്തര്‍പ്രദേശിനും വന്‍ നഷ്ടമാണുണ്ടാക്കിയിട്ടുള്ളതെന്നും മോദി.
അഖിലേഷിന്റെയും മായവതിയുടെയും ഭരണത്തില്‍ അഴിമതിയും കുറ്റകൃത്യങ്ങളും നിറഞ്ഞു. യുപിയെ അടക്കി ഭരിക്കാനുള്ള ശ്രമത്തിലാണ് യാദവ കുടുംബമെന്നും മോദി പരിഹസിച്ചു
കോണ്‍ഗ്രസ് ഉപാധ്യക്ഷന്‍ രാഹുല്‍ ഗാന്ധിക്കെതിരെയും രൂക്ഷ വിമര്‍ശനം നടത്തി. കുട്ടിക്കളി വിട്ടുമാറാത്ത ഒരു നേതാവ് കോണ്‍ഗ്രസിലുണ്ട്. കമ്പ്യൂട്ടറില്‍ തിരഞ്ഞാല്‍ നിങ്ങള്‍ക്ക് മനസ്സിലാകും. സ്വയം പരിഹാസ്യനാകുന്ന ഒരു നേതാവ് വേറെയുണ്ടാകില്ലെന്നും രാഹുല്‍ ഗാന്ധിയെ ഉദ്ദേശിച്ച് മോദി പറഞ്ഞു.